雞與雞蛋

有日友人問我, 究竟有雞先定有蛋先, 我話:

進化論: 進化論認為, 所有生物都不是突然出現, 而是一點一點地改變。生物由幾十億年開始開始進化。在無性繁殖時, 生物的進化來自本身基因因應環境變化所產生特變。而又因為進行無性繁殖中的生物多為簡單的單細胞生物, 其繁殖的數目跟速度都高得驚人, 故此無次少少的改變在多次繁殖下都能累積足夠的基因改變。而在有性繁殖中, 因為兩個不同生物的互相結合, 所誕下的下一代其基因在著更大的差異。在這樣的背景下, 生物在一點一點的改變。如果你要問"有雞先定有蛋先", 那就要問"什麼是雞"?。如果雞是有其特定的定議, 那我們就可以從那個進化的連續進程中, 找到一個時間點, 從那個時候開始, 那生物叫做"雞"。而基於有性繁殖中絕大部份的基因改變都是在下一代出現, 可以說, 問題的答案, 是有"蛋"先。

存在主義角度：冇雞做背景，雞蛋就冇意義，當然係雞先

聖經角度: 有雞先, 因為
<創世紀1:24>神說、地要生出活物來、各從其類．牲畜、昆蟲、野獸、各從其類．事就這樣成了。
<創世紀1:25>於是, 神造出野獸、各從其類．牲畜、各從其類．地上一切昆蟲、各從其類．神看著是好的。

爛gag角度: 雞蛋雞蛋, 當然是有"雞"先, 才有"蛋"

渣車十六談

時下興tag人講16個notes, 我就講我的渣車十六談

1) 香港渣車真係好貴, 我架Citroen Picasso 2000cc, 開車從來回一轉上水到維園, 油費150, 大欖隧道30x2, 西隧45x2, parking$45, 即來回要345蚊。當然你可以話我點解唔係獅子山+ 紅隧, 但我好少渣, 所以豪比佢。
2) 學車時渣開日本車, 今次第一次渣歐洲車, 搞到成日開水潑
3) 泊S型車位花最多時間個次係2-3分鐘
4) 宜家油價係12個幾, 原來有6個幾比左政府
5) 條條大路通羅馬, 由馬鞍山到九龍塘, 除左行獅子山隧道, 仲可以行尖山轉荔枝角深水埗去
6) 食左人生第一張牛肉干, $320
7) 發現渣車最麻煩的係搵路, GPS係唔準的, 一個人渣時又睇唔到地圖, 有時真係搵路搵到發脾氣
8) 渣車要搵parking, 搵路, 睇位, 切線等等, 真係比坐車麻煩好多~
9) 但渣車又可以好快咁去到目的地, 又唔駛等車, 又唔怕夜無車, 又唔需要駁車, 真係幾方便
10) 所以結論係渣車要有司機!!! :-p
11) 我覺得自己都叫有渣車的天份, 但真係無乜方向感~
12) 開始覺得人生如係一條單程路上渣車, 基本上來到分叉路時, 你係無乜時間到想到決定, 後面又有車係度逼緊你, 個路牌指示又唔清楚。有人靠運氣來決定走那條路, 有人渣車會有方向感, 知道目的地的大概方向而在決定。當然以香港的路, 那種所謂"大方向"係唔太準的
13) 渣車轉彎時, 竟然有幾次閃過一個念頭, 就係唔轉呔, 一野將架車撞埋牆。我係咪精神有問題?
14) 渣左頭幾日車後, 好有意欲去買車。到渣左一個星期後, 因為parking / 搵路 / 油貴隧道貴 等原因, 買車的欲望減少了很多
15) 男人一定要識渣車, 你唔需要擁有它, 但必要時租/借一部車, 然後車女仔去街係一件很快樂的事。
16) 有人同我講要練習單手(右手)渣車, 因為可以空出左手做其他野(做乜?你估下)。咁又因為只有日本車的指揮燈係右邊, 所以我都係要買日本車la!

終於講完

是日金句

1) 阿寶跟Winnie說: 你是熊, 係度扮貓, 你估你係熊貓?
(阿寶係"功夫熊貓"裏面個隻熊貓, 而Winnie係Winnie the Poor
2) 你我她, 彼岸花

生日快樂

時間是9月26日晚上23時59分，我如常地一個人在房中邊看雜誌邊上網。計劃著15分鐘後去洗澡，然然後睡覺。一分鐘後，出面大門的鐘聲嚮起。一如以來，我是不理會鐘聲的，因為在這個服務式住宅內有其他人會開門。然後，我聽到有人叫我的名字...oops! 原來我的印度同事拿了個生日蛋糕來跟我慶祝。

不經不覺，已經是27歲的生日。這一年內發生了很多東西。得到了一些，成就多了一些，見識多了一些，交多了一些朋友，失去的，雖只有一件，但卻是無可比較的。如果只是計算我26歲的這個收支平衡表，它肯定是負數。

27還年青否？話說在印度公司的Appointed Actuary(委任精算師) Heerak跟我是同一日生日的，他剛剛跟我一起過了他38歲的生日。26日那天他問我是那年出世，當他聽到我是"八十年代"時嚇了一跳。他說”那你今年只不過是27歲嗎?太年青了"....噢，年青了嗎？最起碼，我覺得27歲己再不是十幾歲或大學時覺得自己青春無敵，可以燃燒時間的日子了。這個覺悟其實都是因為”她”，她使我明白，人生苦短，不把握好時間好好利用，會後悔的。都說女性心智上比男性早熟，這個說法在25歲前，我還不覺得是什麼，但就在25的生日那天，我對自己說，不可再浪費光陰了。從那天開始，我有時會對自己同其他人說”我開始老了”。別人都不明白為何我說25/26/27歲己經不再年輕，但其實我是用這個說法來提醒自己，時間有限，要認真做人，確確實實做一番事業來。

古人說，二十而冠，三十而立，四十而不惑。三十歲可以成家立至，養妻活兒，有齊４仔－－”屋子，車子，妻子，兒子”。我想要有其中的２仔還是可以的，但３０歲前結婚我想還是難了點，而兒子更是不可能吧（我可不想在我單身時，有個小孩走過來叫我爸爸！）總之，現在還是努力工作，其他的就一切隨緣吧。

年年生日，都會收到別人送的生日禮物，今年身在印度，估計收到的機會應該很小吧。既然過去一年過得不甚如意，而且下年年頭應該就會fellow到，就送自己一份禮物吧！

My wish list -
1) Honda Civic
2) Rolex / Omega / Grand Seiko watch
3) iPhone

或者有人送比我．．．我都願意收的．．．hoho