辦公室政治學(1)

在辦公室中，你經常會遇到一些情況，需要向老闆提出一些意見，一些提醒。我們想當然的以為，因為我們是最接近前線（或者說最低級），所以得到的都是第一手資訊，可以作出最好的決定。然而，事實上我們提出的意見老闆們卻很少受理，究竟原因何在？今晚我就向Danny請教了一些辦公室生存之道。

很多人以為，老闆有好意見不聽，係因為佢地唔open, 唔肯接受不同的意見。然而，當你提出不同意見時，其實係在質疑佢的決定和能力。而"教老細做野..."是在試探老闆對自尊受損的容忍情度，而在每個老細心目中的底線都唔同, 但係冇可能有老細係冇任何底線。每當你的問題超越佢的底線，佢就會就不同的理由去否決你的提議，以保持自尊。更重要的是，當你老細上位，底線會開始降低。當然老闆唔會比你知道佢因為自尊的問題而拒絕你的提議，佢地只係作一個假的理由去敷衍你。而老細越高級就越假。

所以，最好的方法，係用引導的方式，將你想說的話，由老闆的口中提出。這樣無論老細是否open，都無咁易掂到條底條。況且，引導的方式亦方便你。因為在引導過程中, 可能會發現你的idea唔夠好, 或者你老細經過你引導下有更好的idea...咁你咪可以即刻轉軚, 又可以學到野, 又唔會驚自己講錯idea。

引導方式實際的操作，當然比口講難。Danny提出，用提問題的方法去取代真接指出。即係，在一件有待解決的事情上，提出可能遇到的問題，等老細取捨和決定做法。但在所提出的問題之中，其實已經包括左個答案。這個做法要知道邊個位要停，唔可一路提出問題。

有時做人手下，都要識得見好就收，急流勇退。在上者，最怕就係手下功高蓋主。以前的帝王怕臣下功高蓋主，但始終皇帝是皇帝，臣下是臣下，除非做臣子的係做得太過份（如鳌拜），或者皇帝疑心太重（如朱元璋），一般都唔會有什麼殺身之禍。但在現代企業，太部份人都是在中層做管理，手下功高蓋主，很容易就會比自已上級發現而晉升他，令自己失去晉升的機會。而且，做上司需要威嚴才可以管好下屬，接受手下的意見等於向其他人說明自己的能力不及手下。所以，大部份的中層管理層都不太鐘意下屬提出反對意見。

總言而之，是要令老闆感覺良好。至於每個老闆都有其底線和弱點，所以實際操作上就要好好認識自己老闆係怎樣的一個人。因地制宜。